چاند کی ایسی شکل جو 152سال سے نظر نہیں آئی

رسوں رات آسمان پر چاند کی ایسی شکل نظر آئیگی جو 152سال سے نظر نہیں آئی،ماہرین کا حیران کن انکشاف پرسوں رات آسمان پر چاند کی ایسی شکل نظر آئیگی جو 152سال سے نظر نہیں آئی،ماہرین کا حیران کن انکشاف

واشنگٹن(این این آئی)بدھ کی رات 31 جنوری کو 152 سال بعد دنیا کے اْفق پر ایک ساتھ تین فلکی مظاہر نمودار ہوں گے۔ یہ انوکھے مناظر چاند گرہن، چاند دنیا سے کم ترین فاصلے پر آنا، چاند کا نیلا اور پھر سرخ ہونا ہو گا۔ ماہرین اسے سپر بلیو بلڈ مون(بڑا نیلگون اور خونی )کا نام دے رہے ہیں۔میڈیارپورٹس کے مطابق یہ منظر جنوری کی اکتیس تاریخ کو دیکھا جائے اور مغربی نصف کرہ زمین پر رہنے والے اس کا نظارہ زیادہ بہتر طور پر کر سکیں گے۔

آخری مرتبہ اس نوعیت کا منظر دنیا میں بسنے والوں نے 1866 میں دیکھا تھا۔سپر بلو بلڈ مون چاند دراصل نیلے چاند کا ہی نتیجہ ہوتا ہے۔ نیلگوں چاند تو اس مہینے میں دوسری مرتبہ طلوع ہو گا لیکن گرہن کی وجہ سے چاند پر پڑنے والا زمین کا عکس سرخ رنگ کا نظر آئے گا اور اسی وجہ سے اسے بلڈ یا خونی چاند بھی کہا جاتا ہے۔

زمین اور چاند کا فاصلہ سات فیصد کم ہونے کی وجہ سے چاند معمول سے 14 فیصد زیادہ روشن ہو گا اور یہ معمول سے بڑا نظر آئے گا۔ستاروں کے مشاہدے کے شوقین افراد امریکہ میں اس نیلگون خونی چاند کا نظارہ بدھ کو علی الصبح طلوع آفتاب سے پہلے کر سکیں گے۔جو لوگوں اس چاند کا مشاہدہ مشرق وسطی، ایشیا، مشرقی روس، آسٹریلیا اور نیوزی لینڈ سے کرنا چاہیں گے انھیں بھی جلدی اٹھنا پڑے گا اور یہ اکتیس جنوری کی صبح نظر آئے گا۔امریکا میں اس رات کو اگر فضا ابر آلود نہ ہوئی اور آسمان صاف ہوا تو چاند گرھن صبح مقامی وقت کے مطابق چار بج کر اکاون منٹ پر شروع ہو گا

اور چھ بج کر پانچ منٹ تک جاری رہے گا۔ دنیا کے مشرقی حصوں میں اس کا مشاہدہ کرنا ذرا مشکل ہو گا اور گرہن مشرقی وقت کے مطابق صبح پانچ بج کر اکاون منٹ پر شروع ہو گا۔ گرہن ایک گھنٹے تک جاری رہے گا۔ناسا کا کہناتھا کہ گرہن کی وجہ سے ماہرین اس بات کا مشاہدہ بھی کر سکیں گے جب چاند کی سطح تیزی سے ٹھنڈی ہوتی ہے تو اس کے کیا اثرات ہوتے ہیں۔چاند کو تاریکی میں دیکھنے سے اس کے خدوخال مزید واضح ہو جائیں گے اور چاند کے وہ حصے جو عام طور پر دیکھے نہیں جا سکتے وہ قدرے واضح نظر آئیں گے کیونکہ چاند کی گھاٹیوں کے ارد گرد چٹانیں چمکتی ہوئی دکھائی دیں گی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے