ایک دو افراد نہیں پوری کی پوری کابینہ کی تحریک انصاف میں شامل

پشاور(مانیٹرنگ ڈیسک) خیبر پختونخوا کے وزیر ایکسائز و ٹیکسیشن اور انسداد منشیات میاں جمشید الدین کا کا خیل نے کہا ہے کہ پی ٹی آئی کی حقائق پر مبنی سیاسی سرگرمیوں سے متاثر ہو کر لوگوں کی کثیر تعداد میں شمولیت اس بات کی دلیل ہے کہ پاکستان تحریک انصاف کی مقبولیت میں اضافہ اس کی صاف ستھری سیاست اور جرات مندانہ سیاسی سرگرمیاں ہیں

اور اس کی تمام پالیسیاں عوامی خواہشات کی آئینہ دار ہیں۔ان خیالات کااظہار انہوں نے پی ایم ایل ن نوشہرہ کینٹ کی پوری کابینہ کا چیئرمین پاکستان تحریک انصاف عمران خان اور وزیر اعلیٰ خیبر پختونخواپرویز خٹک کی قیادت پر بھرپور اعتماد کااظہار کرتے ہوئے پاکستان تحریک انصاف میں شمولیت اختیار کرنے کے موقع پر منعقدہ تقریب سے خطاب کرتے ہوئے کیا۔اس موقع پر پی ایم ایل(ن) نوشہرہ کینٹ کے صدر ارشاد قریشی نے بمعہ دیگر ساتھیوں اور رشتہ داروں کے پاکستان تحریک انصاف میں شمولیات کا اعلان کیا۔میاں جمشید الدین نے خیبر پختونخوا میں ماضی کی حکومتوں کا حوالہ دیتے ہوئے کہا کہ موروثی سیاسی پارٹیاں انتہائی عیاری اور چالاکی سے عوام سے ووٹ لیکر اقتدار حاصل کرنے میں کامیاب ہو جاتی ہیں جبکہ وہ عوام کی توقعات کے برعکس اپنے ذاتی اور سیاسی مفادات کے حصول کیلئے سرگرم رہتی ہیں اور عوام اگلے الیکشن میں انہیں شرمناک شکست سے دوچار کرتے ہوئے سیاسی منظر نامے سے غائب کردیتے ہیں۔انہوں نے کہا کہ پی ٹی آئی نے عوام کو ان کی خواہشات اور توقعات کے مطابق ایک ایسا سیاسی پلیٹ فارم مہیا کیا ہے جو ان کی دیرینہ خواہشات اور ان کے گھمبیر مسائل کو حل کرنے کی بھرپور صلاحیت رکھتا ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے